話說上回提到做微創手術，但其實有時做傳統手術都無野睇。
一個腎衰歇嘅病人如果腎功能太差，就要考慮如果排走毒素，其中一個選擇就係洗血。
洗血者，先要搵血管外科醫生，做一條動靜脈瘻管（Arteriovenous Fistula），用黎駁落部洗血機到。手術過程講就非常簡單，就係要將一條靜脈切斷，直接駁落一條動脈，於是洗過嘅血就可以直接返入循環系統，而呢個手術通常都會揀係前臂到做。
有一次，小弟就係旁觀呢個手術。
兩位醫生圍住病人隻手坐低，兩盞大光燈照耀住病人嘅前臂。手臂得咁粗，大家都想像到血管大極都有限，而手術都需要非常細心去做。兩位醫生就係咁密密縫、密密切，用嘅針係比剪指甲飛出黎嘅指甲碎更為幼細，係大燈照住之下，更加係無形無聲，做暗器係一流。
我地兩位學生，嘗試係儀器同醫生中間嘅空間、大光燈發光發亮之下，去睇面積大概只有兩格碎磚嘅傷口入面嘅個枝針。
無錯，係會睇到盲嘅；無錯，係會睇到有重影嘅；無錯，係會乜都睇唔到嘅。
Search